Дзень роднай мовы
21 лютага ў свеце адзначаецца Міжнародны дзень роднай мовы.
Ён быў абвешчаны Генеральнай асамблеяй ЮНЕСКА ў 1999 годзе з мэтай захавання моўнай і культурнай разнастайнасці ў свеце, падтрымання нацыянальных моў і культур, а таксама забеспячэння права кожнага грамадзяніна карыстацца роднай мовай.
Усяго ў свеце налічваецца больш за сем тысяч моваў. Палова з іх пад пагрозай знікнення. Менавіта дзеля іх захавання найперш і абвешчаны Дзень роднай мовы.
Успомнім, што ў 1517 годзе ў Празе Францыск Скарына з Полацка выдаў Біблію па-беларуску – першую друкаваную ўсходнеславянскую кнігу.
З нагоды Міжнароднага дня роднай мовы ў Станькаўскай базавай школе, прайшоў конкурс "Варажба на рамонку". Важна, каб мы ведалі, шанавалі і выкарыстоўвалі родную мову, памяталі, што яна – носьбіт нашай нацыянальнай адметнасці.
#Станькаўская_базавая_школа
